काठमाडौँ । पूर्व अर्थमन्त्री तथा नेपाली कांग्रेसका नेता डा.प्रकाशशरण महतले १६औँ पञ्चवर्षीय योजनाले निर्धारण गरेको आर्थिक विकासको लक्ष्य पूरा हुन नसक्ने बताएका छन् ।
आज काठमाडौँमा भएको राष्ट्रिय विकास परिषद्को बैठकमा बोल्दै डा.महतले राजनीतिक स्थायित्व आउन नसकेसम्म गरेको १६ औँ पञ्चवर्षीय योजनाले निर्धारण गरेको ७.३ प्रतिशत लक्ष्य प्राप्त हुन नसक्ने दाबी गरेका छन् ।
पूर्व अर्थमन्त्री डा.महतले आउने आर्थिक वर्षमा ५ प्रतिशतसम्म मात्रै आर्थिक वृद्धि हुनसक्ने बताएका छन् । उनले आवधिक योजनाको युटिलिटी समाप्त भइसकेको बताएका हुन।
योजना आयोगको संरचनालाई नीति र कार्यान्वयन अनुगमन संयन्त्रको रुपमा विकास गर्न आवश्यक रहेको भन्दै उनले योजनाले लिएका लक्ष्य प्राप्तिका लागि समृद्ध नेपाल र सुखी नेपाली बनाउनको लागि अड्चनहरूको पहिचान गर्न आवश्यक रहेको बताए ।
