काठमाडौँ । नेपाली शेयर बजारमा लगानीकर्ताको छोटो समयमा भारी नाफा कमाउने सोच हाबी भएको देखिन्छ । शेयर बजारमा सामान्य गिरावट आउँदा लौ घट्यो बरबाद भयो भन्ने र अलिकति बढ्न थाल्दा बित्तिकै तीव्र रूपमा नाफा बुक गर्नेको सङ्ख्या बढ्न जाँदा शेयर बजारमा अन्यौलता छाएको छ ।
यस किसिमको गतिविधिले शेयर बजारमा दीर्घकालीन सुधार नआउने जानकारहरूको भनाई छ । बढ्दो बजारको बिचबिचमा आउने सानातिना करेक्सनलाई स्वाभाविक मानिन्छ।
करेक्सनले बजारलाई थप बलियो बनाउने र अगाडिको लामो यात्राका लागि थप सहज बनाउने विश्लेषकहरूको धारणा छ । तर, ट्रेडरहरुले प्रोफिट बुक गर्ने होडबाजीको कारण बजार प्रभावित भएको देखिएको छ।
सोही सन्दर्भमा शेयर लगानीकर्ता तारा प्रसाद फुल्लेल ले शेयर बजारका लागि आवश्यक सुझाव दिएका छन् ।
प्रस्तुत छ उनको धारणा जस्ताको त्यस्तै:
१. धैर्य रहनुहोस:
बजारमा दैनिक उतारचढाव हुनु स्वाभाविक हो ! घबराएर हतारमा निर्णय नलिनुहोस !
२. अनुसन्धान (Research) गर्नुहोस:
• कुन कम्पनीको शेयर किन्ने वा बेच्ने भन्ने निर्णय राम्रो अनुसन्धानको आधारमा गर्नुहोस !
• कम्पनीको वित्तीय स्थिति, व्यवस्थापन, भविष्यको सम्भावना जस्ता पक्ष हेर्नुहोस !
३. दीर्घकालीन सोंच राख्नुहोस:
• बजारको छोंटो समयको उतारचढावमा मात्र ध्यान दिएर आत्तिनु हुँदैन !
• लामो समयको लागि लगानी गर्दा राम्रो प्रतिफल पाउने सम्भावना रहन्छ !
४. विविधीकरण (Diversification) गर्नुहोस:
• एउटै कम्पनी वा क्षेत्रको शेयर मात्र किन्दा जोखिम बढी हुनसक्छ !
• विभिन्न क्षेत्रमा लगानी गरेर जोखिम घटाउन सकिन्छ !
५. नाफा र घाटाको योजना बनाउनुहोस:
• कहिले नाफा लिने र घाटा सीमित गर्ने रणनीति बनाउनुहोस्।
• Stop-loss order जस्ता प्रविधिहरू प्रयोग गर्न सकिन्छ !
६. बजार मनोविज्ञान बुझ्नुहोस:
• बजारको प्रतिक्रिया कहिलेकाहिं अतिरञ्जित हुन सक्छ !
• भीडको पछाडि नलागी आफ्नै रणनीति बनाउनुहोस !
७. नियमित बजार अपडेट लिँदै जानुहोस:
• आर्थिक नीतिहरू, अन्तर्राष्ट्रिय बजार प्रवृत्ति, ब्याजदर परिवर्तन जस्ता कुराले बजारलाई असर पार्न सक्छ, सो सम्बन्धि जानकारी राख्नुपर्दछ !
• यदि अनिश्चित महसुस गर्नुहुन्छ भने वित्तीय परामर्शदातासँग सल्लाह लिन सक्नुहुन्छ !
शेयर बजार अवसरले भरिपूर्ण छ, तर सही ज्ञान, अनुशासन, र धैर्य बिना सफलता प्राप्त गर्न गाह्रो हुन सक्छ !
