काठमाडौं । नेपाली बजारमा मंगलबार सुनचाँदीको मूल्य घटेको छ। छापावाल सुनको मूल्य प्रतितोला १ हजार रुपैयाँले घटेर ३ लाख १ सय रुपैयाँमा झरेको छ।
नेपाल सुनचाँदी व्यवसायी महासंघका अनुसार सोमबार छापावाल सुन प्रतितोला ३ लाख १ हजार १ सय रुपैयाँमा कारोबार भएको थियो। मंगलबार भने मूल्य घटेर प्रतितोला ३ लाख १ सय रुपैयाँ कायम भएको हो।
त्यस्तै, चाँदीको मूल्य पनि घटेको छ। सोमबार प्रतितोला ४ हजार ६ सय २० रुपैयाँ रहेको चाँदी मंगलबार २० रुपैयाँले घटेर ४ हजार ६ सय रुपैयाँमा कायम भएको महासंघले जनाएको छ।
यससँगै मंगलबार नेपाली बजारमा छापावाल सुन प्रतितोला ३ लाख १ सय रुपैयाँ तथा चाँदी प्रतितोला ४ हजार ६ सय रुपैयाँमा कारोबार भइरहेको छ।
