काठमाडौं । नेपाली बजारमा सुनको मूल्यमा फेरि ठूलो वृद्धि भएको छ । बिहीबार छापावाल सुनको मूल्य एकैदिन ९ हजार ३ सय रुपैयाँले बढेर प्रतितोला ३ लाख १३ हजार ४ सय रुपैयाँ पुगेको छ ।
नेपाल सुनचाँदी व्यवसायी महासंघका अनुसार बुधबार छापावाल सुन प्रतितोला ३ लाख ४ हजार १ सय रुपैयाँमा कारोबार भएको थियो । बिहीबार भने मूल्य बढेर ३ लाख १३ हजार ४ सय रुपैयाँ कायम भएको हो ।
यससँगै सुनको मूल्य प्रतितोला ३ लाख १३ हजार रुपैयाँभन्दा माथि पुगेको छ । एकैदिन करिब १० हजार रुपैयाँको हाराहारीमा मूल्य बढेपछि नेपाली बजारमा सुन फेरि नयाँ उचाइतर्फ अघि बढेको देखिएको छ ।
यता चाँदीको मूल्यमा पनि उल्लेख्य वृद्धि भएको छ । बुधबार प्रतितोला ४ हजार ५ सय ९५ रुपैयाँ रहेको चाँदी बिहीबार २ सय ६० रुपैयाँले बढेर ४ हजार ८ सय ५५ रुपैयाँ पुगेको महासंघले जनाएको छ ।
यसरी एकैदिन सुन र चाँदी दुवैको मूल्य बढेपछि बहुमूल्य धातुको बजारमा तीव्र उतारचढाव देखिएको छ ।
