काठमाडौँ । सुन तस्करीमा संलग्न आशंकामा थप एकजनालाई पक्राउ परेका छन् । सुन तस्करीमा संलग्न आशंकामा राजस्व अनुसन्धान विभागले सामाखुसीबाट थप एकजनालाई पक्राउ गरेको हाे ।
पक्राउ पर्नेमा दावा छिरिङ रहेका छन् । सशस्त्र प्रहरी बलको सहयोगमा उनलाई पक्राउ गरिएको हाे ।
हङकङबाट ‘रेडी ट्रेड प्रालि’ ले मगाएको करिब १ सय किलो सुन साउन ३ मा राजस्व अनुसन्धान विभागले त्रिभुवन विमानस्थल भन्सार कार्यालयको गेट बाहिरबाट बरामद गरेरको थियो । सुन तस्करीमा संलग्न आशंकामा छिरिङसहित पक्राउ पर्नेहरुको संख्या १८ पुगेको छ ।
