काठमाडौँ । साताको दोस्रो कारोबारका दिन समेत सेयर बजारमा गिरावट आएको छ । लगानीकर्ताको मनोबल दैनिक रूपमा कमजोर बन्दै जाँदा बजार अस्थिर बनेको छ । आज फन्डामेन्टल रूपमा बलिया देखिएका कम्पनीहरूको सेयर मूल्यसमेत प्रभावित बनेको छ।
आज नेपाल स्टक एक्सचेञ्ज (नेप्से) १०.१४ अकंले घटेर २७०४.७० बिन्दुमा कायम भएको छ।
यस दिन ८ उपसूचक राताम्य भएका छन् । आज बैंकिङ समूहको ०.२१ प्रतिशत, विकास बैंक समूहको ०.९२ प्रतिशतले शेयर मूल्य घटेको छ। नेप्से निरन्तर घटेर पुनः २७ सयको मनोवैज्ञानिक विन्दु नजिक आएको छ ।
चैतका लागि पनि अधिकांश बैंकहरुले ब्याजदर स्थिर राखेका छन् । केहीले घटाएका पनि छन् । यस आधारमा ब्याजदर निकै तल्लो विन्दुमा छ । प्रणालीमा अधिक तरलताको अवस्था छ । केन्द्रीय बैंकले निरन्तर जसो बजारबाट पैसा तानिरहेको छ । यी कुराहरूले सेयर बजारमा सकारात्मक प्रभाव पार्न सक्ने अनुमान भए पनि बजारको दृश्य त्यस अनुरूप नबन्दा लगानीकर्तामा निराशा छाएको छ ।
