काठमाडौं । अर्थमन्त्री डा. प्रकाशशरण महतले अर्थतन्त्रमा देखिएका समस्या अस्थायी भएको बताएका छन्। शनिबार ललितपुरमा आयोजित एक कार्यक्रमलाई सम्बोधन गर्दै उनले अहिले अर्थतन्त्रमा देखिएका समस्या अस्थायी भएकाले डराउनु पर्ने अवस्था नरहेको बताएका हुन्।
‘नेपाल अहिले बिस्तारै विकासको बाटोमा अघि बढेको छ।
अर्थमन्त्री महतले नेपालमा आइटी क्षेत्रले उल्लेखनीय काम गरिरहेको भन्दै बजेटमा पनि आइटी क्षेत्रमा लगानी गर्ने लगानी कर्ताका लागि राम्रो अवसर दिएको बताए।
मन्त्री महतले नेपाली युवाहरुले विदेशमा सफ्टवेयर निर्यात गरेर नेपाललाई पनि फाइदा पुर्याउनुको साथै आफ्नो पनि जिवन स्तर सुधारेको बताएका छन्। आइटी क्षेत्रका लागि धेरै ठूलो लगानी गर्न पर्दैन,’ महतले भने , ‘यसको लागि समर्पण र स्किल भए पुग्छ। त्यसमा पनि लाग्न अनुरोध गर्छु। यस पटकको बजेटमा आइटी क्षेत्रमा लगानी गर्नेलाई ५० प्रतिशत कर कम गर्ने निर्णय गरेको छु।’
