काठमाडौँ । नेपाल सुनचाँदी व्यवसायी महासंघले आजका लागि सुन तथा चाँदीको अद्यावधिक मूल्य सार्वजनिक गरेको छ। महासंघका अनुसार आज स्थानीय बजारमा सुनको मूल्य यथावत् रहेको छ।
आज छापावाल सुन प्रतितोला ३ लाख ४ हजार ७ सय रुपैयाँमै कारोबार भइरहेको छ। बिहीबार भने सुनको मूल्य ४ हजार ३ सय रुपैयाँले बढेको थियो।
चाँदीको मूल्यमा भने आज गिरावट देखिएको छ। चाँदी प्रतितोला १० रुपैयाँले घटेर ५ हजार ५० रुपैयाँमा कारोबार भइरहेको महासंघले जनाएको छ।
