काठमाडौं। वाणिज्य बैंकहरुले चालु आर्थिक वर्षको साउन महिनामा ८ अर्ब ५२ करोड रुपैयाँ नाफा कमाएका छन् । नेपाल राष्ट्र बैंकले सार्वजनिक गरेको तथ्यांक अनुसार २० वटा बैंकले ८ अर्ब ५२ करोड ४९ लाख रुपैयाँ नाफा कमाएका हुन् ।
यसमध्ये सबै भन्दा धेरै ग्लोबल आइएमई बैंकले ९९ करोड २३ लाख रुपैयाँ नाफा आर्जन गरेको छ । त्यस्तै, दोस्रोमा नबिल बैंकले ७५ करोड ५५ लाख रुपैयाँ नाफा कमाएको देखिएको छ ।
त्यसैगरी, नेपाल इन्भेष्टमेन्ट मेगा र हिमालयन बैंकले क्रमशः ७४ करोड ७९ लाख र ६३ करोड १२ लाख नाफा गरेका छन् । यता, सबै भन्दा कम नेपाल एसबीआई बैंकले १६ करोड ५ लाख रुपैयाँ मात्र नाफा आर्जन गरेको छ ।
