दिनहुँ नयाँ रेकर्ड बनाइरहेको सुनको मूल्य आज भने घट्यो

काठमाडौं । दिनहुँ नयाँ रेकर्ड बनाइरहेको सुनको मूल्य आज भने घटेको छ । बिहीबार छापावाल सुनको मूल्य तोलामा ६ सय रूपैयाँले घटेको हो ।

नेपाल सुनचाँदी व्यवसायी महासंघका अनुसार, बुधबार छापावाल सुनको मूल्य प्रतितोला २ लाख ६८ हजार १ सय रूपैयाँ कायम भएकोमा आज ६ सय रूपैयाँले घटेर २ लाख ६७ हजार ५ सय रूपैयाँ कायम भएको छ।

त्यस्तै, बुधबार चाँदीको मूल्य प्रतितोला ४ हजार ४२० रूपैयाँ कायम भएकोमा आज २० रूपैयाँले घटेर ४ हजार ४०० रूपैयाँ कायम भएको छ ।