काठमाडौँ। नगद २० हजार रुपैयाँ घुससहित जिल्ला प्रशासन कार्यालय महोत्तरीबाट एक कर्मचारी पक्राउ परेका छन्।
पक्राउ पर्नेमा जिल्ला प्रशासन कार्यालयको मुद्दा शाखामा कार्यरत नायब सुब्बा अशोककुमार यादव रहेका छन् । अख्तियार दुरुपयोग अनुसन्धान आयोगको कार्यालय बर्दिबासको टोलीले सेवाग्राहीबाट लिएको २० हजार रुपैयाँ घुससहित उनलाई रंगेहात पक्राउ गरेको हो।
सवारी ज्यान मुद्दामा सवारी धनी पक्षले पीडित पक्षलाई दिने क्षतिपूर्ति तथा क्रिया खर्चबाट लिएको २० हजार रुपैयाँ घुससहित कार्यालयबाटै पक्राउ गरेको हो ।
