काठमाडौं । साताको पहिलो कारोबार दिन आज नेपाल स्टक एक्सचेञ्च (नेप्से) घटेर बन्द भएको छ । आज नेप्से ८.६२ अंकले घटेर २ हजार ६६२.०८ विन्दुमा पुगेको छ ।
आज सेन्सेटिभ इन्डेक्स भने ०.९ प्रतिशतले बढेर ४४६.४४ विन्दुमा पुगेको छ । यो दिन नेप्सेमा सूचीकृत मध्ये ३२२ वटाकम्पनीको १ करोड ३१ लाख ८९ हजार ३२८ कित्ता सेयर ६ अर्ब २८ करोड २ लाख रुपैयाँभन्दा बढीको कारोबार भएको छ ।
यो दिन नेप्सेमा सूचीकृत १३ वटा समूहमध्ये ४ वटा बाहेक अन्य सबै समुह घटेका छन्। आज लगानी समूह १.८४ प्रतिशतले बढेर १११.३८ विन्दुमा पुगेको छ ।
यस्तै आज होटल समूह ०.२६, म्युचुअल फण्ड ०.२७ र निर्जीवन बीमा समूह ०.३० प्रतिशतले बढेको छ ।
आज व्यापार समूह १.६९ प्रतिशतले घट्यो । बैंकिङ समूह ०.२६ प्रतिशत,विकास बैंक ०.७१,फाइनान्स ०।९८,हाईड्रो ०.४३,जीवन बीमा ०.५७,उत्पादन तथा प्रशोधन ०.८९,लघुवित्त ०.१५ र अन्य समूह १ प्रतिशतले घटेको छ ।
