काठमाडौं । सेयर बजार आएको लगातार गिरावटले आजपनि निरन्तरता पाएको छ । यस दिन नेप्से सूचक २०.६८ विन्दुले घटेर २७५१.४२ अंकमा अडिएको छ।
आज आज ३११ कम्पनीको १ करोड ५० लाख ९४ हजार कित्ता शेयर किनबेच हुँदा ८ अर्ब ३७ करोडको शेयर कारोबार भएको हो । एउटा कम्पनी सकारात्मक सर्किट लेबलमा कारोबार भएको छ ।
आज बैंकिङ समूहको ०.४४ प्रतिशत, विकास बैंक समूहको ०.७३ प्रतिशत, फाइनान्स समूहको ०.७० प्रतिशत, होटल तथा पर्र्यटन समूहको ०.९९ प्रतिशतसहित १२ वटै उपसूचक घटेका छन् ।
केही करेक्सनका बाबजुत नेप्सेले माथिल्ला उचाईहरु चुम्ने लगानीकर्ताको भनाई छ । अब विस्तारै करेक्सन चरण पूरा हुन लागेको उनीहरुको भनाई छ। त्यसो त सेयर बजारमा उतारचढाव आइरहन्छ । तर समग्र ट्रेन्ड अहिले बुलिस छ । बजार वृद्धिका लागि धेरै कुराहरुले सपोर्ट गरिरहेको देखिन्छ ।
यसअघि कसिएका नीतिनियमहरु खुकुलो पार्दै लगिएको अवस्था छ । अर्थतन्त्रमा सुधारका संकेतहरु देखिएका छन् । सूचीकृत कम्पनीहरुले पनि अब क्रमशः मुनाफा बढाउँदै लैजान सक्ने आधारहरु बलियो बन्दै गएको छ ।
