परिसूचक तीन हजार बिन्दुमा पुग्दा शेयर बजारमा ३० अर्बको ऐतिहासिक कारोबार

काठमाडौँ। साताको अन्तिम कारोबारका  दिन शेयर बजारमा रौनक छाएको छ । पछिल्लो केही समयदेखि बजारमा आएको रौनक अझै कायम रहेको छ । लगानीकर्ताको मनोबल समेत बलियो हुँदै गएको कारण बजारले निरन्तर उचाइ कायम गरेको छ ।

साताको अन्तिम दिन कारोबार रकम हालसम्मकै उच्च भएको छ ।

बिहीबार आठ उपसूचकमा हरियाली आएको छ । उक्त दिन बुटवल पावर कम्पनी, राष्ट्रिय बीमा कम्पनी, मोदी इनर्जीको सेयरमा सकरात्मक सर्किट लाएको छ । यसदिन बैंकिङ समूहको ५.६५ प्रतिशत, विकास बैंक समूहको १.२८ प्रतिशत, होटल तथा पर्यटन समूहको ०.३२ प्रतिशत, हाइड्रोपावर समूहको ०.७९ प्रतिशतले शेयर मूल्य बढेको छ ।