काठमाडौं । प्रधानमन्त्री केपी शर्मा ओलीको आज संसदमा हुने भनिएको सम्बोधन स्थगित गरिएको छ।
बजेट अधिवेशनको पहिलो बैठक आज दिउँसो १ बजे बस्ने तय गरिएको थियो । त्यहाँ प्रधानमन्त्री ओलीले सम्बोधन गर्ने कार्यक्रम रहेको थियो। तर प्रमुख दलका शीर्ष नेताहरूको अनुपस्थितिका कारण उक्त सम्बोधन स्थगित भएको हो।
संसदमा प्रधानमन्त्रीको सम्बोधन स्थगित गरिएको नेकपा (एमाले) संसदीय दलका प्रमुख सचेतक महेश बर्तौलाले जानकारी दिए ।
सत्ता गठबन्धनको प्रमुख दल नेपाली कांग्रेसका सभापति एवं संसदीय दलका नेता शेरबहादुर देउवा थाइल्याण्डमा रहेका छन् । यस्तै प्रमुख प्रतिपक्ष दल माओवादी केन्द्रका अध्यक्ष पुष्पकमल दाहाल 'प्रचण्ड' गोरखामा छन्।
शीर्ष नेताहरू अनुपस्थित हुने भएपछि आजको बैठकमा दोस्रो तहका नेताहरूले सम्बोधन गर्ने कार्यक्रम तय गरिएको छ ।
