काठमाडौँ । लगातार ओरालो लयमा रहेको शेयर बजारमा सामान्य सुधार देखिएको छ ।
बैंकको ब्याजदर निरन्तर घट्दो क्रममा रहेको र अर्थतन्त्रका सबै सूचक समेत सकारात्मक बन्दै गएको अवस्थामा समेत लगानीकर्ताको मनोबलमा सरकार परिवर्तनको प्रभाव परेको देखिएको छ ।
नेप्से २.९५ अकंले बढेर २६३३.८७ बिन्दुमा कायम भएको छ।
आज ८ उपसूचकमा हरियाली देखिएको छ। बैंकिङ समूहको ०.१७ प्रतिशत, फाइनान्स समूहको ०.८७ प्रतिशत, होटल तथा पर्यटन समूहको ०.१८ प्रतिशतले शेयर मूल्य बढेको छ । बजारमा सुधार आउँदा सपोर्ट माइक्रोफाइनान्स लघुवित्तको सेयरमा सकरात्मक सर्किट लाएको छ ।
आज सबैभन्दा बढी जानकी फाइनान्सको सेयर कारोबार भएको छ । कम्पनीको २२ करोड २४ लाख ३ हजार रुपैयाँ बराबरको कारोबार भएको छ।
त्यस्तै, नेपाल फाइनान्सको १५ करोड ८ लाख ११ हजार रुपैयाँ, रिभर फल्स पावरको १२ करोड ४५ लाख ३५ हजार रुपैंया, बेष्ट फाइनान्सको १० करोड ४ लाख ८४ हजार रुपैयाँ कारोबार भएको हो ।
