काठमाडौँ । प्रतिनिधिसभाको बैठक आधा घण्टाको लागि रोकिएको छ । भिजिट भिसा प्रकरणमा दलहरूबीच कुरा नमिल्दा प्रतिनिधिसभाको बैठक रोकिएको हो । दिउँसो २ बजेका लागि तोकिएको बैठक ढिलो गरेर सुरु भएको भएपनि विपक्षी दलका सांसदहरूले नाराबाजी गरेपछि बैठक रोकिन पुगेको हो ।
भिजिट भिसा प्रकरणमा गृहमन्त्री रमेश लेखकको राजीनामा र छानबिन समितिको मागमा विपक्षी दलहरूले अडान यथावत् राखेका छन्।
नेपाली कांग्रेस लचक भए पनि प्रधानमन्त्री केपी ओलीको अनिच्छाका कारण सदनको गतिरोध लम्बिइरहेको माओवादीको दाबी छ । गएको जेठ १३ गतेदेखि प्रतिनिधिसभाको बैठक अवरुद्ध हुँदै आएको छ ।
विपक्षीहरूले बजेट प्रस्तुत गर्ने प्रयोजनका लागि जेठ १५ गतेको बैठक चल्न दिए पनि त्यसपछिका बैठकमा निरन्तर अवरोध गरेका छन् । प्रतिपक्ष दलले भने अब छानबिन समिति समेत गठन नगर्ने र जबरजस्त रूपमा भए पनि संसद् सुचारु गर्ने टिप्पणी गर्दै आएको छ ।
