काठमाडौं । राष्ट्रिय बीमा कम्पनीले प्रमुख कार्यकारी अधिकृत (सीईओ) को लागि ४ जनाको नाम सर्टलिस्टमा राखिएको छ । कम्पनीलेआज शुक्रवार एक सुचना जारी गर्दै सम्भावित ४ जनाको नाम सीईओको लागि सार्वजनिक गरेको हो ।
पदपूर्ति उपसमितिले कम्पनीको सीईओका नारायणकुमार भट्टराई, डा शिवहरि श्रेष्ठ ,सुरेन्द्र थापा र सुवास कोइरालाको नाम सर्टलिस्टमा समावेश गरेको छ । कार्यकारी प्रमुखको लागि आवेदन दिएकामध्ये सुवास कोइराला मात्र कम्पनीमा कार्यरत छन् भने अन्य आवेदकहरु बाहिरिएका छन् ।
कम्पनीले सार्वजनिक गरेको सूचनाका अनुसार सर्टलिस्टमा परेकाहरुले बैशाख १२ गते प्रस्तुतीकरण र बैशाख १२ गते अन्तर्वार्ता दिनुपर्ने छ । प्रस्तुतीकरण र अन्तर्वार्ता बिहान ७ः३० बजेबाट सुरु हुनेछ । प्रस्तुतीकरण पावरप्वइन्टमा र प्रस्तुतीकरण तथा छलफलका लागि ४० मिनेटको समय दिइएको छ ।
कम्पनीको सीईओ पदपूर्ति समितिले माघ २४ गते सूचना जारी गर्दै सीईओका लागि आवेदन माग गरेको थियो । सो समयमा ९ जनाको आवेदन परेको थियो । जसमा ४ जनालाई समितिले सर्टलिस्टमा समावेश गरेको हो ।
