काठमाडौं । आन्तरिक राजस्व विभागले वार्षिक ४० लाख रुपैयाँभन्दा बढी कमाउने करदाताको विवरण हेर्न सकिने व्यवस्था गरिएको छ ।
साथै विभागले वार्षिक ४० लाख रुपैयाँभन्दा बढी कमाउने व्यक्तिसँग कानुन अनुसार कर लिन कार्यालयहरुलाई निर्देशन दिएको छ ।
कतिपय करदाताको विवरण ४० लाख रुपैयाँ भन्दा बढीको आय भएकोमा अग्रीम कर कट्टी न्यून कट्टी गरेको पाइएको विभागले जनाएको छ ।
विभागको आईटीएस प्रणालीबाट वार्षिक ४० लाख रुपैयाँ भन्दा बढी कमाएका व्यक्ति पहिचान गरी अग्रिम बुझाएको कर कटौती गरि बाँकी हुने कर असूल गर्न विभागले निर्देशन दिएको हो ।
कार्यालयहरुबाट टिडिएस परीक्षणको क्रममा ४० लाख रुपैयाँ वा सोभन्दा बढी आय हुने करदाताको विवरण हेरी नियमानुसार टिडिएस रकम दाखिला गरे/नगरेको लगायतका लगायतका विषयको चेक जाँचगरि ईआइएमएसमा प्रविष्ट गर्न पनि विभागले अनुरोध गरेको छ ।
