काठमाडौं । साताको पहिलो कारोबार दिन आज सेयर बजारमा गिरावट आएको छ । उक्त दिन बजार ५.३१ अंकले घटेर २०६१ को विन्दुमा कायम हुन पुगेको छ।
उक्त दिन सबैभन्दा बढी हिमालयन रिइन्स्योरेन्स लिमिटेडको सेयर कारोबार भएको छ ।
आज कम्पनीको ३३ करोड ५८ लाख ३२ हजार रुपैया बराबरको कारोबार भएको छ ।
कारोबार रकमको आधारमा दोस्रो स्थानमा रहेको एशियन लाइफ इन्स्योरेन्सको १२ करोड ९८ लाख ६८ हजार रुपैयाँ बराबरको सेयर खरिद बिक्री भएको छ ।
आइतबार ३०७ कम्पनीको ९२ लाख ७२ हजार ७८२ कित्ता सेयर किनबेच हुँदा ३ अर्ब २१ करोड ६७ लाख रुपैयाँको कारोबार भएको छ ।
आज ९ उपसूचक राताम्य भएका छन् । आज बैंकिङ समूहको ०.२३ प्रतिशत, होटल तथा पर्यटन समूहको ०.५१ प्रतिशत र हाइड्रोपावर समूहको ०.४२ प्रतिशतले घटेको छ ।
