काठमाडौँ । आज शेयर बजारमा रौनक देखिएको छ। बजार उकालो लागेसँगै लगानीकर्ताको मनोबलमा समेत हरियाली छाएको छ ।
नेपाल स्टक एक्सचेञ्ज (नेप्से) २९.२१ अकंले बढेर २२०४.६१ बिन्दुमा बन्द भएको छ ।
आज ३३१ कम्पनीको २ करोड ४८ हजार १२३ कित्ता शेयर किनबेच हुँदा ६ अर्ब ९८ करोड १८ लाख ४७ हजार रुपैयाँको कारोबार भएको छ।
बिहीबार १२ उपसूचक हरियाली आएको छ । यस दिन बैंकिङ समूहको २.४२ प्रतिशत, विकास बैंक समूहको ०.१७ प्रतिशत, फाइनान्स समूहको ०.३० प्रतिशत, होटेल तथा पर्यटन समूहको ०.६० प्रतिशतले शेयर मूल्य बढेको हो । आज दुई कम्पनीको शेयरमा सकारात्मक सर्किट लागेको छ ।
उक्त दिन सबैभन्दा बढी सिइडिबी हाइड्रोपावरको सेयर सर्वाधिक कारोबार भएको छ । आज कम्पनीको १५ करोड २५ लाख ८१ हजार रुपैया बराबरको कारोबार भएको छ । कारोबार रकमको आधारमा दोस्रो स्थानमा रहेको ग्लोबल आइएमई बैंकको संस्थापक सेयरको १४ करोड ८८ लाख ९४ हजार रुपैयाँ बराबरको सेयर खरिद बिक्री भएको छ ।
