काठमाडौँ । शेयर बजारमा दोहोरो अंकको गिरावट आएको छ । योसँगै बजार लगातार तीन दिन घटेको हो । शेयर बजारका लगानीकर्ताको मनोबल कमजोर हुँदै गइरहेको देखिन्छ ।
नेपाल स्टक एक्सचेञ्ज (नेप्से) १८.७६ अकंले घटेर २०७६.४९ बिन्दुमा बन्द भएको छ ।
यसदिन ३१८ कम्पनीको ९५ लाख ४४ हजार ७३४ कित्ता शेयर किनबेच हुँदा ४ अर्ब ५ करोड ५७ लाख रुपैयाँको कारोबार भएको छ ।
आज १३ वटै उपसूचक राताम्य भएका छन् । आज बैंकिङ समूहको १.१६ प्रतिशत, विकास बैंक समूहको ०.८७ प्रतिशत, फाइनान्स समूहको १.०४ प्रतिशत, होटल तथा पर्यटन समूहको ०.७२ प्रतिशतले शेयर मूल्य घटेको छ ।
