काठमाडौँ। चालु आर्थिक वर्षको सात महिनाको अवधिमा १० खर्ब ४० अर्ब ८१ करोड रुपैयाँको अन्तर–बैंक कारोबार भएको छ।
केन्द्रीय बैंकले आज सार्वजनिक गरेको तथ्यांक अनुसार उक्त कारोबार देखाएको हो । समीक्षा अवधिमा वाणिज्य बैंकहरुको नौ खर्ब ३७ अर्ब ८१ करोड अन्तर बैंक कारोबार भएको छ ।
भने,अन्य वित्तीय संस्थाहरू (वाणिज्य बैंकहरुबीच बाहेक) को १ खर्ब दुई अर्ब २० करोड गरी कुल १० खर्ब ४० अर्ब १ करोड अन्तर–बैंक कारोबार भएको छ।
अघिल्लो वर्षको सोही अवधिमा वाणिज्य बैंकहरुको २५ खर्ब ९६ अर्ब १८ करोड र अन्य वित्तीय संस्थाहरूको दुई ७६ अर्ब २६ करोड गरी कुल २८ खर्ब ७२ अर्ब ४४ करोड अन्तर बैंक कारोबार भएको केन्द्रीय बैंकले उल्लेख गरेको छ ।
