काठमाडौं । आज फागुन २८ गतेका दिन साल्ट ट्रेडिङ्ग कर्पोरेशन लिमिटेडको लाभांश सुरक्षित गर्ने अन्तिम दिन रहेको छ।
कम्पनीले ५८औं वार्षिक साधारणसभा तथा लाभांश वितरणका लागि चैत १ गते बुक क्लोज गर्दैछ। फागुन २९ गतेका दिन नेप्से बन्द रहने भएकाले आजसम्म कायम शेयरधनीहरूले मात्रै सभामा भाग लिन र लाभांश प्राप्त गर्न सक्नेछन्।
यस कम्पनीले चुक्ता पूँजीको १० प्रतिशत नगद लाभांश (कर सहित) वितरण गर्ने घोषणा गरेको छ।
घोषित लाभांश पारितका लागि आगामी चैत १५ गते शुक्रबार भद्रकालीस्थित त्रिभुवन आर्मी अफिसर्स क्लबमा बिहान ११ बजेका लागि सभा तय भएको छ ।
