काठमाडौँ । साताको तेस्रो कारोबारका दिन सेयर बजारमा गिरावट आएको छ । लगानीकर्ताको मनोबल उच्च बन्न नसक्दा शेयर बजारमा निरन्तरको गिरावट आएको हो ।
नयाँ वर्षको आगमन भएसँगै बजारले लगातार तीन कारोबारका दिन ओरालो यात्रा तय गरेको हो । नेपाल स्टक एक्सचेञ्ज (नेप्से) १४.८१ अकंले घटेर १९९१.७१ बिन्दुमा बन्द भएको छ ।
आज ३१२ कम्पनीको ५४ लाख ७१ हजार ६८ कित्ता शेयर किनबेच हुँदा २ अर्ब १० करोड ३० लाख १९ हजार रुपैयाँको कारोबार भएको छ ।
मङ्गलवार १३ उपसूचक नै राताम्य भएका छन् । आज बैकिङ समूहको ०.४१ प्रतिशत, विकास बैंक समूहको ०.१९ प्रतिशत, फाइनान्स समूहको ०.४८ प्रतिशत, होटेल तथा पर्यटन समूहको ०.२८ प्रतिशतले शेयर मूल्य घटेको छ।
बजार ओरालो लागे पनि आज दुई कम्पनीको शेयरमा सकारात्मक सर्किट लागेको हो । आज एसबिएल डिबेञ्चर २०८९ र गोर्खाज फाइनान्सको शेयरमा सकारात्मक सर्किट लागेको हो ।
