काठमाडौं-कारोबार साताको पहिलो दिन आज सेयर बजारमा बढोत्तरी भएको छ । लगानकर्ताको आत्मबल बलियो बन्दै गएसँगै सेयर बजारमा हरियाली छाएको हो ।
कारोबार साताको पहिलो दिन आज नेप्से २२.१० अकंले बढेर २०५२.६५ बिन्दुमा बन्द भएको छ ।
आज ३०४ कम्पनीको ७० लाख ४३ हजार ४५७ कित्ता सेयर किनबेच हुँदा २ अर्ब ९२ करोड २७ लाखरुपैयाँको कारोबार भएको हो।
अर्थमन्त्रीका रुपमा वर्षमान पुनको आगमन भएसँगै लगानीकर्तामा हौसला थपिएको आकलन गरिएको छ । मन्त्री पुनको आगमनसँग शेयर बजारले लय लिन लागेको हो। नियामकको आश्वासन पछि लगानीकर्ताको मनोबल दरिलो बनेको हो ।
आज हाइड्रोपावर समूह बाहेक अन्य १२ उपसूचक मै हरियाली आएको हो । आज लगानीकर्ता माइक्रोफाइनान्सको सेयरमा झुम्मिएका छन् । आज माइक्रोफाइनान्स समूहको शेयर ४.२१ प्रतिशतले बढेको हो ।
