काठमाडौँ । दिनभर उतार चढाव आएको सेयर बजारमा सामान्य अंकको सुधार आएको छ । सरकार निर्माणको असर सेयर बजारमा समेत देखिएको छ ।
नेपाल स्टक एक्सचेन्ज (नेप्से) ९.३३ अकंले बढेर २०१७.०३ बिन्दुमा बन्द भएको छ ।
आज ३०८ कम्पनीको ९१ लाख ३८ हजार १५४ कित्ता सेयर किनबेच हुँदा ३ अर्ब ४५ करोड ८ लाख रुपैयाँको कारोबार भएको छ ।
बुधबार १० उपसूचकमा हरियाली आएको छ । आज विकास बैंक समूहको ०.१३ प्रतिशत, फाइनान्स समूहको १.६८ प्रतिशत, होटल तथा पर्यटन समूहको ०.८६ प्रतिशतसहित १० उपसूचकमा हरियाली आएको हो ।
हिजो १२ वटा उपसूचक राताम्य बनेको थियो । बजार निरन्तर ओरालो लाग्दा लगानीकर्तामा चरम निराशा आएको छ । दिनभर तलमाथि भइरहेको बजार अन्तिम समयमा भने सुधार आएर बन्द भएको हो । लगानीकर्ता बिस्तारै बजारिए हल्लाबाट माथि उठी रहेको आकलन गरिएको छन् ।
