काठमाडौँ। नेष्डो समृद्ध लघुवित्त वित्तीय संस्थाले लाभांश घोषणा गरेको छ ।
संस्था सञ्चालक समितिको बैठकले उक्त आर्थिक वर्षको खुद मुनाफाबाट हाल कायम चुक्तापुँजीको कुल १५ प्रतिशत लाभांश दिने निर्णय गरेको हो ।
कुल लाभांशमध्ये १४ दशमलव २५ प्रतिशतका दरले बोनस शेयर र ० दशमलव ७५ प्रतिशत नगद (बोनस शेयरमा लाग्ने कर प्रयोजनका लागि) लाभांश घोषणा गरेको हो ।
उक्त प्रस्तावित लाभांश नेपाल राष्ट्र बैंकले स्वीकृति प्रदान गरेपछि र कम्पनीको आगामी वार्षिक साधारण सभाले पारित गरेपछि वितरण गरिने संस्थाले जनाएको छ ।
