काठमाडौँ। बैंकिङ प्रणालीमा अधिक तरलताको दबाब बढ्नेक्रम नरोकिएसँगै आज आइतबार राष्ट्रबैंकले ४० अर्ब रुपैयाँ तरलता प्रशोचन गर्ने भएको छ ।
बैंकिङ प्रणालीमा रहेको अधिक तरलता व्यवस्थापन गर्न बैंकले निक्षेप संकलन उपकरण बोलकबोलमार्फत आज २१ दिनको लागि ४०अर्ब रुपैयाँ तरलता बैंकिङ प्रणालीबाट खिच्ने भएको हो।
निक्षेप संकलन उपकरण राष्ट्र बैंकले तरलता प्रशोचन गर्न प्रयोग गर्ने विभिन्न उपकरण मध्ये एक हो। बैंकिङ प्रणालीमा अधिक तरलता भएपछि केन्द्रीय बैंकले तरलता प्रशोचन गर्ने गर्छ ।
आइतबार बोलकबोल हुने निक्षेप संकलन उपकरणको साँवा र ब्याज फिर्ता आगामी फागुन ४ मा हुनेछ । निक्षेप संकलन उपकरणको ब्याजदर बोलकबोलबाट तय हुने भएको छ ।
