काठमाडौँ । नाडा अटो शो २०२४ को चौथो दिनसम्म टाटाको पञ्च इभीको ३२८ युनिट बुकिङ भएको छ । नेपालका लागि टाटा मोटर्सको आधिकारिक बिक्रेता सिप्रदी ट्रेडिङ अनुसार यस पटक पञ्च इभीप्रति आम मान्छेको आकर्षकता बढेको जानकारी दिएको छ ।
कम्पनीका प्यासेन्जर भेहिकल बिजनेस युनिटका प्रमुख सावन्तजंग सिजापतिका अनुसार टाटा पञ्च इभीको सुरुवाती मूल्य रु ३३ लाख ९९ हजार कायम गरिएको छ । यो सुरुवाती भेरियन्टमा पनि ग्राहकहरूले सनरुफको आनन्द लिन सक्ने कम्पनीले जनाएको छ ।
यो मूल्य नाडासम्मलाई मात्र रहेको र पछि बढ्ने कम्पनीले उल्लेख गरेको छ । साथै नाडामा गाडी किन्ने ग्राहकहरूलाई सिप्रदीको चार्जिङ्ग स्टेसनमा निःशुल्क चार्जिङ्गको सुविधा समेत उपलब्ध हुने घोषणा गरिएको छ ।
