काठमाडौं । सिटिजन्स बैंक इन्टरनेशनल लिमिटेडले ३ अर्ब रुपैंया बराबरको ऋणपत्र निष्कासन गर्ने भएको छ। नियामक निकाय नेपाल धितोपत्र बोर्डमा कम्पनीले ३० लाख कित्ता ऋणपत्र निष्कासन गर्न निवेदन दिएको हो ।
कम्पनीले विक्री प्रबन्धकको रुपमा हिमालयन क्यापिटल लिमिटेडलाई तोकेको छ । कम्पनीले आगामी १० वर्ष सम्मका लागि वार्षिक १० प्रतिशत ब्याजदरमा ऋणपत्र निष्कासन गर्न सेबोनमा निवेदन दिएको हो ।
सेबोनबाट ऋणपत्र निष्कासन गर्न अनुमति पाएपछि कम्पनीले कुल ३० लाख कित्तामध्ये १२ लाख कित्ता ऋणपत्र सर्वसाधारणको लागि निष्कासन गर्नेछ भने १८ लाख कित्ता ऋणपत्र ब्याक्तिगत तबरबाट विक्री गर्नेछ ।
