काठमाडौँ । अर्थ मन्त्रालयमा कार्यरत चार सहसचिवको जिम्मेवारी हेरफेर भएको छ ।
मन्त्रालय स्रोतका अनुसार मन्त्रालयका सहसचिव एवम बजेट महाशाखा प्रमुख रहेका सुमन दाहाललाई राजस्व व्यवस्थापन महाशाखा प्रमुखको जिम्मेवारीमा सारिएको छ । राजस्व व्यवस्थापन महाशाखा प्रमुखको पद केही समयदेखि रिक्त थियो ।
बजेट व्यवस्थापन महाशाखा प्रमुखको जिम्मेवारी भने भर्खरै लुम्बिनी प्रदेशबाट अर्थ मन्त्रालयमा सरुवा भएर आएका बन्धुप्रसाद बास्तोलालाई दिइएको छ ।
यस्तै भर्खरै मात्रै कोशी प्रदेशबाट मन्त्रालयमा सरुवा भएर आएका नारायणप्रसाद रिसाललाई भन्सार विभागको उपमहानिर्देशकको जिम्मेवारी दिइएको छ ।
यस्तै प्रेम आचार्यलाई ठूला करदाता कार्यालयको प्रमुख कर प्रशासकको जिम्मेवारी दिइएको छ ।
ठूला करदाता कार्यालयका प्रमुख कर प्रशासक केदार शर्माले राजीनामा दिएपछि पद रिक्त भएको थियो ।
यस्तै, भर्खरै मात्र लोकसेवा आयोग कोशीबाट सरूवा भएर आएका सहसचिव गोकुल बास्तोलालाई सहमहालेखा नियन्त्रकको जिम्मेवारी दिइएको छ ।
