काठमाडौं । हाल सञ्चालनरत नेपाल प्रिमियर लिग (एनपीएल) मा विजेता टिमले १ करोड १० लाख रुपैयाँ प्राप्त गर्ने भएको छ ।
एनपीएलमा बुधबारदेखि प्लेअफका खेलहरु सुरु हुँदे छन् । सुदूरपश्चिम रोयल्स, जनकपुर बोल्ट्स, चितवन राइनोज र कर्णाली याक्स शीर्ष चारमा रहँदै प्लेअफमा पुगिसकेका छन् ।
मंगलबार नेपाल क्रिकेट संघ (क्यान) ले एक विज्ञप्ति जारी गर्दै प्रतियोगितामा प्लेअफमा पुगेका टिमले पाउने पुरस्कारबारे जानकारी दिएको छ ।
क्यानका अनुसार, उपविजेता टिमले ५१ लाख, तेस्रो हुने टिमले २५ लाख र चौंथो हुने टिमले १५ लाख रुपैयाँ पुरस्कार पाउने छन् ।
