काठमाडौं । साताको तेस्रो कारोबार दिन सेयर बजार दोहोरो अंकले बढेको छ । शेयर बजार ३३ दशमलव ६४ अंकले बढेर १९८२ दशमलव २२ को विन्दुमा कायम भएको छ । नेप्सेमा हरियाली छाएसँगै कुल २०८ कम्पनीको शेयरमूल्य बढेको छ ।
अघिल्लो दिन सोमबार निक्कै नै उतारचढावका बीच सेयर बजारमा गिरावट आएको थियो ।आज नेप्सेमा कारोबार भएको २९७ कम्पनीको १ करोड २४ करोड ६३ लाख १६८ हजार कित्ता सेयर किनबेच हुँदा ४ अर्ब ३० करोड ९० लाख १९ हजारको कारोबार भएको छ ।
बजारमा बढोत्तरी आएसँगै सबै उपसूचकमा मात्र हरियाली छाएको छ । बजार बढेसँगै आठ कम्पनीको शेयरमूल्यमा सकारात्मक सर्किट लागेको छ ।
जसमा बोटलर्स नेपाल, धौलागिरी लघुवित्त, नेपाल रिपब्लिक मिडिया, सोनापुर मिनिरल्स, सानिमा लार्ज फण्ड लगायतका अन्य कम्पनीको शेयरमूल्यमा सकारात्मक सर्किट लागेको छ ।
