काठमाडौं । मिड सोलु हाइड्रोपावर लिमिटेडले आफ्ना सेयरधनीलाई १५ प्रतिशत बोनस सेयर वितरण गर्ने प्रस्ताव गरेको छ ।
कम्पनीको असोज ५ गते सोमबार बसेको सञ्चालक समितिको बैठकले आर्थिक वर्ष २०८२/८३ को मुनाफाबाट हाल कायम चुक्तापुँजीको १५ प्रतिशत बोनस सेयर र कर प्रयोजनका लागि ०.७८९ प्रतिशत नगद लाभांश वितरण गर्ने निर्णय गरेको हो ।
कम्पनीको हालको चुक्तापुँजी ८६ करोड ६ लाख ६० हजार रुपैयाँ रहेको छ ।
सोही पुँजीका आधारमा कम्पनीले १२ करोड ९० लाख ९९ हजार रुपैयाँ बराबरको बोनस सेयर वितरण गर्नेछ ।
त्यस्तै, कर प्रयोजनका लागि ६७ लाख ९४ हजार ६८४ रुपैयाँ नगद लाभांश वितरण गर्ने प्रस्ताव गरिएको छ ।
कम्पनीले प्रस्ताव गरेको लाभांश विद्युत् नियमन आयोगको स्वीकृति तथा आगामी पाँचौँ वार्षिक साधारणसभाबाट पारित भएपछि मात्रै सेयरधनीलाई वितरण गरिनेछ ।
मिड सोलु हाइड्रोपावरले सोलुखुम्बुको सल्लेरीमा ९.५ मेगावाट क्षमताको मध्य सोलु खोला जलविद्युत् आयोजना सञ्चालन गर्दै आएको छ ।
