काठमाडौं । नेपाली बजारमा सुनचाँदीको मूल्यमा उल्लेख्य गिरावट आएको छ। नेपाल सुनचाँदी व्यवसायी महासंघका अनुसार आइतबार सुनको मूल्य प्रतितोला २ लाख ७८ हजार ५०० रुपैयाँ कायम भएको छ। चाँदीको मूल्य पनि घटेर प्रतितोला ३ हजार ९५५ रुपैयाँमा झरेको छ।
असोज ३० गते सुन प्रतितोला २ लाख ९० हजार १०० रुपैयाँमा कारोबार भएको थियो। आइतबारको मूल्यसँग तुलना गर्दा नौ दिनमा सुन प्रतितोला ११ हजार ६०० रुपैयाँले सस्तिएको छ। यो अवधिमा सुनको मूल्य करिब ४ प्रतिशतले घटेको हो।
त्यस्तै, असोज मसान्तमा प्रतितोला ४ हजार १५० रुपैयाँ रहेको चाँदीको मूल्य घटेर ३ हजार ९५५ रुपैयाँ कायम भएको छ। यसअनुसार चाँदी प्रतितोला १९५ रुपैयाँ अर्थात् करिब ४.७ प्रतिशतले सस्तिएको छ।
प्रति १० ग्राम सुनको मूल्य पनि असोज ३० गतेको २ लाख ४८ हजार ७१५ रुपैयाँबाट घटेर आइतबार २ लाख ३८ हजार ७७० रुपैयाँमा झरेको छ। यस अवधिमा १० ग्राम सुनको मूल्य ९ हजार ९४५ रुपैयाँले घटेको हो।
यसैगरी, प्रति १० ग्राम चाँदीको मूल्य ३ हजार ५५८ रुपैयाँबाट घटेर ३ हजार ३९१ रुपैयाँ कायम भएको छ। यो अवधिमा चाँदीको मूल्य प्रति १० ग्राम १६७ रुपैयाँले घटेको छ।
