काठमाडौं । नेपाली बजारमा सुन र चाँदीको मूल्य घटेको छ। अघिल्लो दिनको तुलनामा सोमबार सुनको मूल्य प्रतितोला २ हजार १०० रुपैयाँले घटेको छ भने चाँदी २५ रुपैयाँले सस्तिएको छ।
नेपाल सुनचाँदी व्यवसायी महासंघका अनुसार सोमबार सुनको मूल्य प्रतितोला २ लाख ९४ हजार ४०० रुपैयाँ कायम भएको छ। आइतबार सुन प्रतितोला २ लाख ९६ हजार ५०० रुपैयाँमा कारोबार भएको थियो।
त्यस्तै, चाँदीको मूल्य पनि घटेर प्रतितोला ४ हजार ४१५ रुपैयाँ कायम भएको छ। आइतबार चाँदी प्रतितोला ४ हजार ४४० रुपैयाँमा किनबेच भएको थियो।
यससँगै एकैदिन सुन र चाँदी दुवैको मूल्यमा गिरावट आएको छ।
