काठमाडौं । नेपाली बजारमा सुनको मूल्यमा वृद्धि हुने क्रम जारी रहेको छ । आइतबार सुनको मूल्य प्रतितोला ८०० रुपैयाँले बढेर २ लाख ९६ हजार ५०० रुपैयाँ पुगेको छ । चाँदीको मूल्यमा पनि वृद्धि भएको छ ।
नेपाल सुनचाँदी व्यवसायी महासंघका अनुसार बिहीबार सुन प्रतितोला ५०० रुपैयाँले महँगिएको थियो । त्यसपछि शुक्रबार थप ३ हजार २०० रुपैयाँले मूल्य बढेर प्रतितोला २ लाख ९५ हजार ७०० रुपैयाँ पुगेको थियो । आइतबारको वृद्धिसँगै सुनको मूल्य तीन दिनको अवधिमा निरन्तर उकालो लागेको छ ।
सुनसँगै चाँदीको मूल्य पनि बढेको छ । महासंघका अनुसार आइतबार चाँदी प्रतितोला ३५ रुपैयाँले बढेर ४ हजार ४४० रुपैयाँ पुगेको छ ।
