काठमाडौं । नेपाली बजारमा बुधबार सुन र चाँदी दुवैको मूल्य बढेको छ। छापावाल सुनको मूल्य प्रतितोला १ सय रुपैयाँले बढेको हो।
नेपाल सुनचाँदी व्यवसायी महासंघका अनुसार मंगलबार प्रतितोला ३ लाख २ हजार २ सय रुपैयाँमा कारोबार भएको छापावाल सुनको मूल्य बुधबार बढेर ३ लाख २ हजार ३ सय रुपैयाँ पुगेको छ।
त्यस्तै, चाँदीको मूल्य पनि प्रतितोला ४० रुपैयाँले वृद्धि भएको छ।
मंगलबार ४ हजार ७ सय ७५ रुपैयाँ रहेको चाँदीको मूल्य बुधबार बढेर प्रतितोला ४ हजार ८ सय १५ रुपैयाँ कायम भएको महासंघले जनाएको छ।
