काठमाडौं । नेपाली बजारमा शुक्रबार सुनचाँदी दुवैको मूल्य बढेको छ । छापावाल सुनको मूल्य प्रतितोला १ हजार ७०० रुपैयाँले बढेर २ लाख ९० हजार १०० रुपैयाँ पुगेको छ ।
नेपाल सुनचाँदी व्यवसायी महासंघका अनुसार बिहीबार छापावाल सुन प्रतितोला २ लाख ८८ हजार ४०० रुपैयाँमा कारोबार भएको थियो । शुक्रबार मूल्य बढेसँगै सुनको भाउ पुनः उकालो लागेको हो ।
त्यस्तै, चाँदीको मूल्य पनि प्रतितोला ११५ रुपैयाँले बढेको छ । बिहीबार प्रतितोला ४ हजार ३५ रुपैयाँमा कारोबार भएको चाँदी शुक्रबार बढेर ४ हजार १५० रुपैयाँ पुगेको महासंघले जनाएको छ ।
शुक्रबार सुन र चाँदी दुवैको मूल्य बढेपछि बहुमूल्य धातु खरिद गर्ने उपभोक्ताले थप रकम खर्च गर्नुपर्ने भएको छ ।
