काठमाडौं । नेपाली बजारमा सुनचाँदीको मूल्यमा शुक्रबार उल्लेख्य गिरावट आएको छ ।
नेपाल सुनचाँदी व्यवसायी महासंघका अनुसार शुक्रबार छापावाल सुनको मूल्य प्रतितोला ४ हजार ६ सय रुपैयाँले घटेको छ । बिहीबार प्रतितोला ३ लाख ६ हजार २ सय रुपैयाँमा कारोबार भएको छापावाल सुन शुक्रबार घटेर ३ लाख १ हजार ६ सय रुपैयाँमा झरेको हो ।
त्यस्तै, चाँदीको मूल्य पनि घटेको छ ।
बिहीबार प्रतितोला ४ हजार ७ सय ५० रुपैयाँ रहेको चाँदीको मूल्य शुक्रबार ९० रुपैयाँले घटेर ४ हजार ६ सय ६० रुपैयाँ कायम भएको महासंघले जनाएको छ ।
यससँगै एकैदिन सुनको मूल्यमा ४ हजार ६ सय र चाँदीको मूल्यमा ९० रुपैयाँको गिरावट आएको छ ।
