काठमाडौँ । काठमाडौँ महानगरपालिका वडा नम्बर ७ स्थित चाबहिल चोकमा सडक क्षेत्रमा डोजर चलाएर घरहरु भत्काउन सुरु गरेको छ । महानगरले अतिक्रमण गरी बनाइएका घरहरू भत्काउन सुरु गरेको हो।
चाबहिल चोकबाट गौशालातर्फको मुख्य सडक किनारमा अतिक्रमण गरी बनाइएको घर तथा पसलहरूमा महानगरपालिकाले बिहानैबाट डोजर चलाएको हो भने अतिक्रमित संरचना हटाउन चार वटा डोजर प्रयोग गर्दा सवारी आवागमनमा समेत बाधा पुगेको अवस्था छ ।
