काठमाडौं। राष्ट्रिय सभागृह, प्रर्दशनी मार्गमा शिवम् सिमेन्ट्स लिमिटेडको आठौं वार्षिक साधारण सभा सम्पन्न भएको छ ।
कम्पनी संचालक समितिका अध्यक्ष गौरव गोयलको अध्यक्षतामा कम्पनीको आठौं वार्षिक साधारण सभा सम्पन्न भएको हो । सभाले संचालक समितिले प्रस्ताव गरेका सामान्य प्रस्ताव र विशेष प्रस्तावहरु पारित गरेको छ ।
उक्त साधारण सभाबाट आर्थिक वर्ष २०७९/ ०८० सम्मको संचित मुनाफाबाट शेयरधनीलाई १५ प्रतिशतका दरले लाभांश वितरण गर्ने प्रस्ताव समेत पारित गरेको हो ।
कम्पनीले आर्थिक वर्ष २०७९/०८० सम्मको संचित मुनाफाबाट ९शेयर प्रिमियम वापतको रकम यथावत राखी अन्य संचित रकमबाट शेयरधनीलाई चुक्ता पूँजी रु ४ अर्व ४० करोडको १४.२५ प्रतिशतका दरले रु ६२ करोड ७० लाख बराबरको वोनस शेयर र ०.७५ प्रतिशतका दरले (कर प्रयोजनका लागि) रु ३ करोड ३० लाख नगद लाभांश सहित आफ्ना शेयरवालाहरुलाई कूल जम्मा १५ प्रतिशतका दरले लाभाँस वितरण गर्ने प्रस्ताव पारित गरेको छ ।
हाल कम्पनीको अधिकृत पुँजी ७ अर्व र जारी तथा चुक्ता पूँजी रु ४ अर्व ४० करोड रहेकोमा १४.२५ प्रतिशतका दरले बोनश शेयर वितरण गरे पश्चात कम्पनीको जारी तथा चुक्ता पूँजीमा बृद्धि भई ५ अर्व २ करोड ७० लाख कायम हुनेछ ।
