अर्थमन्त्री डा. प्रकाश शरण महतले यस अघि ठुलो संख्यामा बीमा कम्पनीहरुलाई अनुमति दिएर गलत गरेको बताएका छन् । नेपाल बीमा प्राधिकरनको ५५ औ बार्षिक उत्सव कार्यक्रममा बोल्दै सुरुमा धेरै कम्पनीहरुलाई अनुमति दिनु ठिक नभएको भन्दै अब त्यसको कोर्स करेक्सन हुनु पर्ने बताए।
“सुरुमा यत्रो धेरै बीमा कम्पनीहरुलाई अनुमति दिनु नै ठीक थिएन । अब त्यसको कोर्स करेक्सन हुनु जरुरी छ ।”,उनले भने।साथै उनले नियामक निकाय नेपाल बीमा प्राधिकरण दायित्व र भूमिका लाई अपेक्षा गरिएको भन्दै यसको लागि व्यावसायिक दक्षता अभिबृद्धि गर्दै जानु पर्ने बताए ।
बीमा छेत्रलाई परम्परागत तरिकाबाट नभई आधुनिकीकरण गरेर जानु पर्ने जरुरी रहेको महतको भनाई छ। “कम्पनीलाई डिस्ट्रोय गरेर अर्कोलाई फाइदा दिने, अर्कोलाई फाइदा दिन अर्कोलाई दिने यो नियामकको काम होइन । त्यसलाई साँच्चिकै विधिको शासनभित्र बसेर सञ्चालन गर्ने नियामकको जिम्मेवारी हुन्छ । ”,उनले भने
अर्थमन्त्री भए पछि बैंक ,बीमा नियामक लगायतलाई नजिकबाट गहिरिएर हेर्न नपाएको भन्दै मन्त्रि महतले भने , “यी सबैलाई नजिकबाट र गहिरिएर हेर्न पाएको छैन । बजेट सकिएपछि मैले यी फरक फरक संस्थाहरुमा त्यसको प्रभावकारिता के छ ? कहाँ व्यावसाकियताको अभाव छ ? त्यो सबै खोजी गर्नेछु ।”
मन्त्रि महतले बीमाको लक्ष्य लागत घटाउने र कभरेज विस्तार गर्नमा बीमा कम्पनीहरुले जोड दिनु पर्ने बताएका छन् ।साथै उनले भने – “ जति दायरा फराकिलो पार्न सकिन्छ, त्यति नै लागत घट्ने हुँदा त्यसतर्फ ध्यान दिनुहोला । मितव्ययितालाई ध्यानमा राखेर काम गरौं । के के सेवा हामी दिँदैछौं, पारदर्शी हिसाबले दिऔं । लिँदा चाही हामी धेरै कुरा बाचा गर्ने, सम्पूर्ण कुरा भइहाल्छ भनेर मार्केटिङ गर्ने जब बीमितलाई सेवा आवश्यक पर्छ, त्यस बेलामा अनेकौं बाहना गरेर दुःख दिने जिम्मेवारीबाट पञ्छिने गर्नु हुँदैन । ”
