काठमाडौँ। सन नेपाल लाइफ इन्स्योरेन्स कम्पनी लिमिटेडले अगैया स्थित अगैया “स्प्रिंग रिभर साइड रिसोर्ट” मा ४ दिने सन नेपाल इन्टरनेशनल सेल्स ट्रेनीङ्ग (SIST) तालिमको शुभारम्भ गरेको छ । अभिकर्ताहरूको दक्षता, आत्मविश्वास तथा व्यावसायिक क्षमतामा अभिवृद्धि गर्ने उद्देश्यले आयोजना गरिएको तालिम माघ १९ गते सोमबार देखि सुरु भएको हो।
कार्यक्रमका प्रमुख अतिथि वरिष्ठ नायब कार्यकारी अधिकृत कवि फूँयालले बीमा क्षेत्रलाई विश्वासिलो, व्यावसायिक र प्रविधिमैत्री बनाउन अभिकर्ताको भूमिकालाई महत्वपूर्ण भएको र यस्तो तालिमले संस्थागत क्षमता वृद्धि गर्न मद्दत पुग्ने बताए।
कार्यक्रममा प्रमुख बजार अधिकृत गणेश चौलागाई, तालिम विभाग प्रमुख भुवन सिंह मुरी मगर तथा राप्ती–भेरी रिजन प्रमुख दिपेन्द्र रावत अतिथिको रूपमा उपस्थित रहनु भएको थियो।
तालिममा अभिकर्तालाई आत्मविश्वासी र दक्ष बनाउने,बिक्री तथा सेवा क्षमतामा वृद्धि ल्याउने,अभिकर्तालाई प्रोफेसनल,आधुनिक र प्रविधिमैत्री बनाउने,अभिकर्ता पेशालाई सम्मानजनक र व्यवस्थित पेशाको रूपमा विकास गर्ने, बीमा सम्बन्धी विस्तृत जानकारी प्रदान गर्ने लगायतका विषय समावेश छन्।
चार दिनसम्म (१९ गतेदेखि २२ गतेसम्म) चल्ने यस SIST तालिममा मुख्य प्रशिक्षकको रुपमा प्रमुख बजार अधिकृत गणेश चौलागाई, तालिम विभाग प्रमुख भुवन सिंह मुरी मगर तथा राप्ती–भेरी रिजत प्रमुख दिपेन्द्र रावतको उपस्थिति तथा प्रशिक्षण रहने छ।
यस तालिमले स्थानीय अभिकर्ताहरूलाई बीमा सेवामा अझ प्रभावकारी, जिम्मेवार र परिणाममुखी बन्न प्रेरित गर्ने सन नेपाल लाइफ इन्स्योरेन्स कम्पनी लिमिटेडले विश्वास लिएको आयोजकले जनाएको छ ।
हाल सन नेपाल लाइफ इन्स्योरेन्सको देश भरि १४८ शाखा तथा उप शाखा संचालनमा रहेको छ।
