काठमाडाैं । काठमाडौं प्रहरी परिसरले बैंकिङ कसुरको अपराध बढेको जनाएको छ । प्रहरी परिसरले आज (सोमवार) २०७९/०८० को वार्षिक प्रतिवेदन सार्वजनिक गर्दै विगतका वर्षभन्दा यो वर्ष बैंकिङ कसूरका अपराध बढेको बताएको हो ।
काठमाडौं प्रहरी परिसरको तथ्याङ्कअनुसार अर्थिक वर्ष २०७८/०७९ मा ३ हजार ७१५ वटा मुद्दा दर्ता भएका थिए । यो आर्थिक वर्षमा ७ हजार १०१ वटा मुद्धा दर्ता भएको जनाएको छ ।
यो आर्थिक वर्षमा अभद्र व्यवहारका २ हजार ८९४, चोरीका ६४७, ठगीका ४१४, लागु औषधका ३६८, आत्महत्यासम्बन्धी ३५७, महिला तथा बालबालिकासम्बन्धी कसूरका ३२६, सवारी ज्यानसम्बन्धी १८९, कर्तव्य ज्यानका २७ वटा र अन्य अपराधका १ हजार १४१ गरी १३ हजार ४६४ वटा मुद्दा दर्ता भएको प्रहरीका एसएसपी दानबहादुर कार्कीले पत्रकार सम्मेलनमा बताए ।
