काठमाडौं । साताको अन्तिम कारोबार दिन सेयर बजारमा उत्साह देखिएको छ। शुक्रबार नेप्से परिसूचक दोहोरो अंकले बढ्दै २५५९.४९ अंकको विन्दुमा पुगेको छ।
आज नेप्से परिसूचक २७.९४ अंकले उकालो लागेको हो।
शुक्रबार १ करोड २० लाख ८६ हजार कित्ता सेयर किनबेच हुँदा कुल कारोबार रकम ४ अर्ब ३५ करोड ९१ लाख रुपैयाँ पुगेको छ।
कारोबार भएका कम्पनीमध्ये २३७ वटा कम्पनीको सेयर मूल्य बढेको छ भने ३१ वटा कम्पनीको मूल्य घटेको छ। त्यस्तै, ९ वटा कम्पनीको सेयर मूल्य स्थिर रहेको छ।
आज उपकार लघुवित्तको सेयर मूल्य सर्वाधिक १०.५३ प्रतिशतले बढेको छ। त्यस्तै, अभियान लघुवित्तको १०.०९ प्रतिशत, सिन्धु विकास बैंकको ९.५४ प्रतिशत, सर्वोत्तम पेन्ट्सको ८.०४ प्रतिशत र एनसीसी डिबेन्चरको ७.४५ प्रतिशतले सेयर मूल्य वृद्धि भएको छ।
समग्रमा बजारमा अधिकांश कम्पनीको सेयर मूल्य बढेसँगै नेप्से परिसूचकमा उल्लेख्य सुधार देखिएको हो।
