काठमाडौँ। शिक्षक महासंघको मागलाई देखाएर अन्तिम समयमा विद्यालय शिक्षा विधेयक संसद्को शिक्षा, स्वास्थ्य तथा सूचना प्रविधि समितिबाट पास गर्नमा अल्झिलिएको छ ।
शिक्षा विधेयक निर्धारित समयमा नभए पनि पास नभएको खण्डमा आफूहरूले आन्दोलन चर्काउने शिक्षक महासंघको भनाई सार्वजनिक भएश्चात शिक्षामन्त्री रघुजी पन्तले विद्यालय शिक्षा विधेयक पास गर्न थप समय माग गरेका छन् ।
शिक्षा समिति बैठकमा बोल्दै मन्त्री पन्तले केही विषयमा कुरा नमिलेको भन्दै थप समय माग गरेका हुन् ।मन्त्री पन्तले सत्ता गठबन्धनमा छलफल गर्न बाकी रहेको र एक दुई वटा विषयमा कुरा नमिलेको भन्दै ढिला हुन गएकोमा क्षमा मागेका छन्।
यसअघि असार १६ गते पनि शिक्षामन्त्रीकै आग्रहमा समितिको बैठक स्थगित गरिएको थियो । फेरि शिक्षक महासंघसँग वार्ता जारी रहेकाले मन्त्रीले समय मागेका हुन्।
शिक्षकलाई ६० प्रतिशत आन्तरिक र ४० प्रतिशत खुला प्रतिस्पर्धाबाट स्थायी गर्ने सहमति उल्टाएर शतप्रतिशत आन्तरिक गर्ने चलखेल भएको भन्दै सांसदहरूले आशंका गरेका छन् । मन्त्री पन्तले ६०/४० को व्यवस्थामा शिक्षक नमानेका कारण थप समय आवश्यक रहेको जिकिर गरे ।उनले शिक्षक आन्दोलनमा नजाने गरी समाधान खोजी भइरहेको बताएका छन् ।
