काठमाडौं । साताको तेस्रो कारोबार दिन साउन २२ गते मंगलबार सेयर बजारमा भारी गिरावट आएको छ। आज दिन बजार १४५.०५ अंकले घटेर २६५१.३२ को विन्दुमा सिमित भएको छ ।
मंगलवारका दिन नेप्सेमा गिरावट आएपनि आज ३२२ कम्पनीको ५ करोड ३८ लाख ४४ हजार २३७ कित्ता शेयर किनबेच हुँदा २३ खर्ब ७१ करोड ६७ लाख रुपैयाँको कारोबार भएको छ । यो कारोबार ऐतिहासिक हो ।
आज सबैभन्दा बढी हिमालयन रिइन्स्योरेन्सको सेयर कारोबार भएको छ । कम्पनीको १ अर्ब ३९ करोड ७८ लाख ८० हजार रुपैया बराबरको कारोबार भएको हो । त्यस्तै कारोबार रकमको आधारमा दोस्रो स्थानमा नेपाल रिइन्स्योरेन्स कम्पनी रहेको छ । कम्पनीको ४८ करोड ३६ लाख ३३ हजार रुपैयाँ बराबरको सेयर खरिद बिक्री भएको छ।
उक्त दिन सिइडिबी हाइड्रोपावरको ४३ करोड १८ लाख ३० हजार रुपैयाँ, सानिमा माई हाइड्रोपावरको ४२ करोड २३ लाख ७३ हजार रुपैयाँ कारोबार भएको हो ।
