काठमाडौँ । बम विस्फोट गरी व्यक्ति हत्याको आरोप लागेका कांग्रेस पूर्वसांसद मोहम्मद आफताब आलमले सफाइ पाएका छन् ।
जिल्ला अदालत रौतहटले उनलाई दोषी ठहर गर्दै जन्मकैदको फैसला गरेकोमा उच्च अदालतको वीरगन्ज इजलासले आरोपबाट सफाइ दिएको हो ।
आलमलाई बम बनाउने क्रममा विस्फोट भई घाइते भएका आठ जनालाई रौतहटको राजपुरस्थित इँटा भट्टामा पोलेर व्यक्ति हत्या गरेको आरोपमा दोषी ठहर गरिएको थियो ।
आलमले नै बनाउन लगाएको बम विस्फोटमा परेर घाइते भएकाहरूलाई घटना सार्वजनिक हुने भन्दै जिउँदै इँटा भट्टामा जलाएर हत्या गरिएको अनुसन्धानबाट देखिएको छ ।
त्यति बेला प्रहरीले घटनास्थलमा कुनै किसिमको विस्फोट नभएको भनेर मुचुल्का बनाएको थियो ।
